|
《客俳風第二集》出版簡介： #用客家話讀客家詩# 客家腔詩集——《客俳風第二集》彭碧珠總編輯，大家一起用客家話讀客家詩———《客俳風第二集》出版了。每本定價450元
《客俳風第二集》收錄45位現居世界各地客家人，以四縣，海陸，饒平，南縣，四海，河婆等等客家口語腔寫成，其中也用了許多現在台灣約定俗成的客家字，可以用客家話直接誦讀的客語詩作品集，以客家話朗誦的方式，更能見識其中旨趣。該書出版內容包括客家節慶俳、遊戲俳，客家生活文化俳，總計超過千首个客俳三行詩。 從形式來看，客俳三行詩有固定个形式，該就係同詩作分做三行，第一行 5 只字、第二行 7只字、第三行 5 只字；句尾做得押韻乜做得無押韻，押韻最好係押到自然，毋好為著押韻，影響著主題內容个表達；因為字數正17 只字，故所，行文儘量毋好重複用字、用詞；題目乜毋好直接用 17 只字裡肚个語詞，避免同主題內容講到忒清楚。 恁樣講起來，客俳書寫當好落手，毋過逐首愛寫來有味有緒，也毋係恁該个事情。《客俳風》第一集、第二集斯正係開始定定，將來，絕對還會有當多愛客人士漸漸接受，甚至還會出版盡多個人个客俳專書來哩！敬請大家多多來支持這部作品，共下來欣賞、聆聽恁多作家个作品，心聲。 該社團作者也有在網上朗誦作品詩的影音可參看。是了解客家文化，學習客家語言，保存客家語言文化的好作品，值得熱愛客家文化的讀者一讀。
《客俳風第二集》目錄： 歡喜作家夢成真/張捷明 3 《客俳風》第二集 風風光光出場囉∼/傅滿全 5 《客俳風第二集》愛出版囉！/邱一帆 7 自序/彭碧珠 9 目錄 16 王興寶 (四縣腔) 20 申梅蘭 (四縣腔) 26 仰心 (海陸腔) 32 李秀鳳 (海陸腔) 35 李清來 (四縣腔) 41 宋勝綱 (四縣腔) 45 吳英虹 (四縣腔) 51 吳麗玲 (四縣腔) 54 林勝男 (海陸腔) 57 林錫霞(四縣腔) 64 邱一帆(四縣腔) 69 邱春英(四縣腔) 72 邱碧蓮 (饒平腔) 77 洪仁銘 (海陸腔) 80 徐玉香 (四縣腔) 86 徐儀錦 (南四縣腔) 88 陳品融 (四縣腔) 94 陳美銀 (海陸腔) 100 陳美鳳 (四縣腔) 103 陳秋梅 (海陸腔) 107 陳秋樺 (海陸腔) 114 莊紅如 (四海腔) 117 張旭英 (四縣腔) 120 黃六 (海陸腔) 124 黃坤盛 (海陸腔) 130 黃有富 (海陸腔) 135 黃智柔 (海陸腔) 138 黃淑媛 (四海腔) 141 黃碧清 (北四縣) 146 彭月春 (海陸腔) 150 彭宇禎 (四縣腔) 157 彭碧珠 (海陸腔) 164 傅桂英(海陸腔) 171 傅滿全 (海陸腔) 175 廖惠貞 （四縣腔） 179 劉世發(海陸腔) 183 劉邦淦 (海陸腔) 190 劉純汝 (四縣腔) 194 劉楨(四縣腔) 197 蔡捷林 (河婆腔) 199 蕭鴻鈞 (四縣腔) 202 羅牡丹 (海陸腔) 207 羅金珠 (海陸腔) 212 羅碧珠 (海陸腔) 217 饒維星 (四縣腔) 225 主要節慶 「過年」節慶精選22帖 228 「元宵節、天穿日」精選20帖 231 「清明節」主題精選20帖 234 「端午節」精選20帖 237 「母親節」精選20帖 240 「父親節」精選22帖 243 「七夕情人節」精選14帖 246 「中元節」收錄14帖 248 「中秋節」入選24帖 250 「教師節」精選20帖 254 「九九重陽敬老節」精選20帖 257 冬節接龍む尾駁尾－單字接龍め收錄20帖 260 創意俳欣賞 對比俳分享 263 個人組俳欣賞 266 客家俳句接龍 269 作文俳欣賞 272 む創意俳歌め欣賞區 283 社團簡介及展望 299 棚下兩三事 《客俳風》─書名个由來 304 「楓葉」摎「俳詩」之間个聯想 304 「俳園週年慶」个鬧熱情景，使人大感動 305 む小朋友寫俳專區め來囉！來囉！ 308 俳園再添577格式个俳句書寫單元 312 介紹沙鼻嫲─大碧珠个一帖拙作 314 掀起「客俳風」浪潮个一群「瘋俳客」 315 期待美夢成真 315 後記 316
《客俳風第二集》自序： 客俳風第二集總算順利出世囉（自序） 自古以來，華人社會个生活中，都輒常會聽著這兜詞──「有失必有得」、「捨得，捨得！有捨正有得」、「團結力量大」、「歸心做事，心專石穿」、「惡手毋當倆」、「敢去，一擔樵；毋敢去，屋下愁」、「有一就有二，無三不成禮」……總講一句，對我人來講，就係：盡力發揮客家人个硬頸精神斯著咧啦！ 自《客俳風》頭飆仔經由阿六先生精心排版、全力催生問世後，大碧珠在感恩佢之外，心肝肚就偷偷仔恁樣想：將這兜作者群認購个錢額準做「母錢」，乜就係日後出第二集个基本經費。假使，為了大量推廣，第二集頭一刷斯愛印兩千本，該就著著愛煞猛去募款，還過向「客家公共傳播基金會」申請補助出書經費囉！ 2022年7月27日，總算等著「客傳會」初審核准補助五萬台幣个通知咧嘍！這係一隻值得慶賀、歡喜合感恩个好消息，乜係對大碧珠還過所有作者个一隻肯定摎鼓勵哩！續下來，印刷經費不足額，愛對哪位仔尋呢？哎呀呀∼∼仰結煞？仰結煞？大碧珠開始傷腦筋囉！ 毋怕！膽在在，便行便看，奇蹟毋會無理由降臨，但係，只愛吾理想摎精神係正確个，定著會打動人心，吸引愛客人士个矚目摎資助。果然，在7月31日个歡迎「僑務委員會 童委員長」宴席上，大碧珠拿出《客俳風》頭飆仔分在座个「德班客家會 」王理事看……續下來个連連驚喜，正實當分人感心！總之，為了莫引起比較心，吾贊助名冊就照善心大德个姓氏排列喺！ 感謝德班客家會成員 王理事源新先生、林總孟丞先生、張秀華女士，以及澳洲客屬聯誼總會 伍總會長其修先生、非洲客屬聯誼總會 羅總會長應肇先生个愛客捐助！承蒙佢兜！恁仔細！多謝！ 人講啊──有錢好辦事──等出書用費、各項正當開銷後个餘額，就留做《客俳風》第三集个出書基金之一。期望這般優質个愛客凝聚力，做得一直恁樣良性循環下去！ 好溜！好溜！接下來，大碧珠還愛來承蒙感謝个長輩、先生、好朋友，係： 1.承蒙發行單位－む新竹縣海陸客家語文協會め个大力協助。感謝黃文斌總幹事，不辭辛勞，協助文書往來个作業。 2.承蒙出版單位－む世界客家出版社め協助推廣事宜，同時，也盡承蒙張加君總編个從中協調，處理繁瑣个溝通事務。 3.承蒙張捷明老師、邱一帆老師、傅滿全先生个挺力為序！實在還好哦，有佢兜个「鬧棚頭/渡頭導讀」，實在盡榮幸合感心！ 4.承蒙文友林佩姬个一路相挺－感謝佢輒輒分𠊎貼心建議摎鼓勵！ 5.承蒙む台灣俳句客家定型詩園地め發起人之一洪仁銘先生四處奔走上電台、電視節目，竭力為《客俳風》打廣告，煞猛推廣客俳个可貴精神。 6.承蒙版主同仁林錫霞、邱鴻春、洪仁銘、陳品融、黃坤盛、劉世發、蕭鴻鈞、羅金珠、羅碧珠等先生个協力處理社務，以及像黃六、彭月春、邱春英、廖惠貞、徐儀錦、張旭英、羅立喬……多位先生个熱心支持摎無私付出！ 7.承蒙俳園肚所有作者群摎所有園地家人个齊心投入－有作者群賣力个美作演出摎園友个掌聲鼓勵，係大碧珠頭擂擂仔煞猛打拚个動力來源啊！真心期待遽遽還有《客俳風》第三集个到來…… 8.承蒙阿六先生為俳園設置頻道，並後製百零隻影音提供讀者、愛客人士點閱欣賞俳句之美！同時乜盡承蒙恁多參與朗讀、吟唱个美聲先生！有大齊家个協力合作，優美个俳句作品正有聲有影个呈現在Youtube頂高，分享到世界各地去哩！ 9.承蒙大碧珠自家屋下人－因致愛配合吾理想早日達成，吾子女乜已貼心鼓勵合支持這盡有意義个寫俳、練俳……佢兜講：「媽咪歡喜做斯好！祝福社務 一切圓滿順序！」 10.承蒙在俳園肚暗中監督个前輩、長官、先生儕-往好處想：無盪聲，就表示係「恬恬支持」，係「樂見其成」！故所，大碧珠更愛認真堅持下去……相信俳園也好，創意園區也好，作者群定著會好好發輝各儕个文思長才，繼續練寫，並創作出一簇簇靚靚个俳詩花蕊來！ 最後，大碧珠還係愛說明一下：雖然係第二擺擔任主編，毋過，這擺係黃六先生放𠊎學習單飛……排版工作交由「毋曉客文个印刷廠頭家去安排」有影已辛苦溝通吶∼∼所以，萬一書中有缺字不足之處，都愛懇求大家多加包容喺！還過，假使，看官您手捧這本書讀後，試著有影已嫌毋得，該斯拜託也幫襯煞猛推廣分若親戚朋友知哦！祈祝有朝一日，這般簡潔幼秀个俳詩，能夠為客家文學掀起另一波浪潮，使致俳句成為「國民詩」个理想早日實現！ 加油！大家共下來煞猛加油！祝願俚「四海大平安」个客家美聲、客家美食、客家文化，全全做得飄洋過海，名揚全世界！
|